Sýn HÍMA

Eins og alltaf eru kosningar mikilvægar, og alltaf heyrist að nú sé tækifærið, en þeir sem tala þannig gleyma að hver einn einasti dagur er tækifæri í sjálfu sér. Því Ísland er land tækifæranna. Það að Ísland sé land tækifæranna í dag er engin trygging fyrir því að Ísland verði alltaf land tækifæranna, en þitt tækifæri til að kaskó tryggja framtíð landsins er að kjósa rétt. Sagan sýnir að meðan hægrimenn fara með völd þá vegnar Íslandi vel. Ísland er í dag næst best í heimi. HÍMA vill að Ísland verði best í heimi og ekkert rugl. HÍMA vill réttlátt ríki þannig að ríkisvaldið drepi ekki sköpunargleði og framkvæmdakraft einstaklinga við uppbyggingu atvinnulífs. Í réttlátu ríki er leitað lausna á vandamálum án boða og banna eða ósanngjarnri skattheimtu. Stjórnlyndi og forræðishyggja eiga ekki heima í réttlátu ríki, þar á FRELSI heima..